Sob me no yog lus paj huam
Hais cuam tshuam txog tej me nyab
Uas tsis pab tes qav tes num
Nws txuj kum ua tus tsis paub

Sob me no hais txog nkauj fa
Tsis txhawb nqa nws lub me neej
Tsuas pheej hais txog luag tsev neeg
Nws tub nkeeg ua tsis tau yab

Kuv lub npe hu ua maiv kos
Yuav thov los hais lus paj huam
Yuav hais tshuam lub keeb hauv paus
Cov neeg laus txawj yuav nkauj mog

Nco peb hmoob nyob pem toj roob
Kev ua qoob nce toj nqes hav
Txoj kev tav thauj nyuj thauj nees
Thaum yus nkees ho mus tsham zoov

ntawm no mus yog lus tshaj piav
hais mus qhia rau kwv tij sib hlub
txheej thaum ub thiab cov niam no
kuv tseem nco txog kev sib hlub

Sob me no yog lus sib teb
Hais rau peb tsoom me tub ntxhais
Thov txhob hais rau peb cov laus
Keeb hauv paus vim nws ntshaw nyiaj

kuv thov ntuas rau peb tsoom hmoob
paub tsis thoob lam tau lam khav
ua zoo xav kuj pab txaj muag
tsis paub txuag lub koob lub meej

kuv yuav los hiav lus paj huam
yog hais tshuam hmoob kev txom nyem
raug luag lem thaum xya caum tsib
peb hmoob ntsib txhua pab txhua pawg

kuv hu ua yaj kub meej tsom
thov lo shais ntawv qhia lub koob
txog cov hmoob tau mus tuam tshoj
tsis yog loj los yog xav nrov

zaj me no ces yog paj huam
yuav hais tshuam txog kev cuab nas
thaum xeev ras tej laus yeej cuab
thiaj li muab coj los nthuav tshaj