Hmoob kev nquam paj nquam nruas July 4, 2008, nyob rau xeev Minnesota twb los yuav txog.  cov kwv tij neej tsa nyob deb thiab nyob ze, yuav tau npaj siab tuaj mus koom Hmoob lub koob tsheej ib xyoos muaj ib zaug no.  zaum no yuav muaj cov kwv tij Hmoob nyob txawv teb chaws tuaj sib tw ncaws pob thiab.  xav tias yuav yog ib xyoos uas lom zem heev.

txawm yog peb Hmoob nrog luag neeg American koom kev zoo siab rau hnub Independent day no xwb los, yeej xav tias nws yog ib lub caij zoo rau Hmoob kawg lawm.  vim yog lub 7hli-tim4, no yog lub hli uas sov heev, vim li ntawv nws thiaj zoo rau kev yuav tawm rooj mus ncig ua si rau sab nrauv.  hauv lub xeev Minnesota no nws sov tsis muaj pes tsawg lub hlis xwb nws twb ho yuav rov no dua lawm.  cia siab yuav ntsib nej ib tsoom phooj ywg sawv daws.

Sawm Yaj yog Hmoob ib tug zoo nraug seev.  tshwm yeeb yaj kiab tau zoo saib.  yees duab tau phim zaj yeeb yam.  zoo tau puav tam Hmoob ib tug nraug seev.  rag txuj Dab neeg Hmoob kev sib hlub.   deev tau neeg lub siab, saib lawm tsis dhuav.  kev  nkauj nraug zoo puav tam tus dej thiab tus ntse uas ib leeg yeej nrug tsis tau ib leeg.  Yog ib tug nraug seev hauv zaj yeeb yaj kiab hu tias: " Hlub Mus Ib Sim".

Hauv qab no yog kev nug thiab tham nrog peb tus PhabEj Sawm Yaj:

Sawm: "zoo siab tias koj tseem create tau ib qho website no rau peb hmoob sawv daws. nws tsis yog ib qho yooj yim.  kuv pab qhuas koj muab lub sijhawm los txhawb peb sawv daws.  tau kawg, kuv zoo siab koj tseem los nug kuv".

-kuv xav nug koj ua tij 2-3 lo lus xws li:

1/. thawj zaj Movie koj ua hu li cas? thiab koj xav li cas rau zaj movie ntawv?

*Zaj movie kuv tau ua thawj zaug hu ua "Hlub Mus Ib sim". Kuv xav tias nws yog ib qho zoo kuv tau los ua zaj movie ntawv. Ntaj Neeb, kuv tus producer thiab director yog ib tug keej thaij heev li thiab yog ib tug txawj dhos duab los zoo nkauj.